Na Mwandishi Wetu
Mwenyekiti wa Chama Cha Mapinduzi (CCM) Mkoa wa Dar es Salaam, Abas Mtemvu, amepongeza utekelezaji wa Ilani ya Chama katika Kata ya Kurasini huku akiitaka Halmashauri ya Manispaa ya Temeke kuongeza kasi katika utekelezaji wa ujenzi wa shule za ghorofa.
Amesema hayo Dar es Salaam, alipofanya ziara ya kukagua utekelezaji wa Ilani ya Uchaguzi ya CCM ya mwaka 2020/25 katika Kata ya Kurasini.
Mtemvu, ameeleza kumekuwa na kasi ya utekelezaji wa miradi mbalimbali ya maendeleo katika Kata ya Kuranisi na kumpongeza Diwani wa kata hiyo Anold Peter na Chama kwa usimamizi wa utekelezaji wa Ilani.
Akiwa katika Shule ya Sekondari Uhamiaji, Mtemvu, amesema yapo maelekezo ambayo yalitolewa tangu serikali ya awamu ya nne chini ya Rais Dk. Jakaya Kikwete hajatekekelezwa.
“Kuna madarasa ya zamani ambayo yalifanyiwa maamuzi ya kujengwa ghorofa tangu serikali ya awamu ya nne mpaka sasa hayajatekekezwa. Tutakaa na Mkurugenzi wa Manispaa ya Temeke kujadili kuhusu suala hili,”amesema Mtemvu.
Ameongeza, awali Temeke kulikuwa na changamoto ya maeneo hivyo walizungumza na Rais Dk. Kikwete kutaka shule zijengwe kwa mfumo wa ghorofa.
“Nasikitika katika shule hii (uhamiaji) watendaji wa Temeke mpaka leo hawajatekeleza hilo. Hii siyo haki,”alisema Mtemvu.
Ameshauri uboreshaji wa mazingira na miundombinu, hususa vyoo, kumfanya mwanafunzi kujisikia yuko shuleni.
Akikagua ujenzi wa Zahanati ya Kurasini, Mtemvu alisema maelekezo ya Rais Dk. Samia ni kata zote kuwa na vituo vya afya.
“ Mpango wa serikali ni kila kata kuwa na kituo cha afya. Tulitarajia hapa Kurasini kukuta kiutuo cha afya. Japokuwa wametueleza changamoto yao ni eneo ila kwa sasa ujenzi wetu ni w mfumo wa ghorofa. Hili tutazungumza pia na Manispaa ya Temeke Kurasini wapate kituo cha afya,”amebainisha.
Mwenyekiti wa CCM Wilaya ya Temeke, Zena Mgaya , ameishukuru serikali chini ya Rais Dk. Samia kwa kasi utekelezaji wa miradi wilayani humo.
Awali Diwani wa Kata ya Kurasini, Anold Peter, amemshukuru Mwenyekiti wa CCM kwa ziara hiyo ambayo alisema inadhirisha wajibu wa Chama kuisimamia serikali.
Pia, amepongeza serikali kwa utekelezaji wa miradi kabambe maendeleo katika kata hiyo hususan sekta za barabaa, elimu, afya, uwezeshaji wananchi kiuchumi na sekta zingine.
“Mchango huu wa maendeo pia ni kutoka serikali Kuu. Sisi wananchi wa Kurasini ametutendea haki na sisi tunahidi kumtendea haki 2025 utakapo wadia,”alisema Peter ambaye ni Naibu Meya wa Halmshauri ya Temeke.
