Na MWANDISHIWETU
MJUMBE wa Kamati Kuu ya Chama Cha Mapinduzi (CCM), Rajab Abdallah ambaye ni mlezi wa Mkoa wa Arusha amevuna wanachama 100, kutoka Chadema wakati wa mkutano wake jijini humo kunadi wagombe wa serikali za Mitaa.
Akipokea wanachama hao, jijini Arusha , katika mkutano wa hadhara, Mwenyekiti huyo wa CCM Tanga, Rajab Abdallah, alisema CCM iko imara kuelekea uchaguzi wa serikali za mitaa, ndiyo maana wanachama wengi wanajiunga kutoka upinzani.
Rajab amesema CCM imejipanga ipasavyo katika Uchaguzi wa Serikali za Mitaa kwani imeweka wagombea imara nchi nzima, tofauti na wapinzani ambao hawajajipanga na wameweka wagombea wachache katika baadhi ya maeneo.
Amesema wataendelea kufanya kampeni za kistaarabu kuwanadi wagombea wa CCM na kueleza kazi zinazofanywa na Rais Dk.Samia Suluhu Hassan, hivyo matumaini yao ni kuendelea kupokea wanachama wengi zaidi kutoka vyama vya upinzani.
