Mwenyekiti Abdallah ameyasema hayo mkoani humo, katika msikiti wa Ijumaa, uliopo Wilaya ya Tanga Mjini, baada ya dua ya kumrehemu aliyekuwa kiongozi wa Chadema Marehem Ally Mohamed Kibao aliyetekwa na kuuawa na watu wasio julikana hivi karibuni.
"Tuendelee kumwombea Rais Dk.Samia kwa kazi kubwa anayoifanya, kuongoza nchi sio mchezo ni jambo kubwa, Tuendelea kumwombea Rais Dk.Samia katika uongozi wake kwa jukumu kubwa alilonalo la kuongoza nchi,"amesisitiza.
Vilevile, aliwapongeza wanafamilia ya marehemu Ali Kibao, kwa utulivu na ushirikiano wao kwa kukubali kufanyika dua hiyo huku akiwashukuru wananchi wa Tanga kwa kujitokeza kwa wingi katika Dua hiyo kuunga kuwafariji wanafamilia.
Awali mwakilishi wa familia ya Ali Kibao, Ally Hemed Abeid amesema familia wanatoa shukrani za dhati kwa jumuiya yote ya watu wa Tanga akiwemo Mwenyekiti wa CCM Abdallah kwa kuwashika mkono katika kipindi chote hivyo Mwenyezi Mungu atawalipa.
